أدب وشعر

تاهت ملامحى فى شدتى

تاهت ملامحى فى شدتى

تاهت ملامحى فى شدتى
بقلم الشاعر/عبدالله الخطيب
حظى كده
يتسرسب العمر اللى باقى
وغرقت ف الحيرة وأهاتى
عكازى سابنى ف محنتى
والحلم تاه
ف السكه تاهت خطوتى
تاهت ملامحى فى شدتى
وسنين فى اه
حظى كده
inbound2669199409482652024
٠٠٠٠٠٠٠٠٠٠٠٠٠٠٠٠٠
دنيا كانت تفتكرنا ف لحظة حلوة
وشوق تملى
وحب لما بيشتهى
ينده تعالوا
وليل بيسهر بس لينا
ايوه لينا لوحدنا
يااااااه
و ماعدش باقى فيا منك
غير حاجات
لما افتكرها
ابص اشوفك جنب منى
كأنك انتى
لسه موجوده و معايا
وتشتهينى واشتهيك
ف عينيا صورتك زى ماهى
تغنى ليا كتير اغانى
حبيت ساعتها الست
لما تقول اغانى
وتغنى بس ياناس ياعشانى
حبيت حبيبتى ف ضحكها
حتى ف وجعها ومرها
تشهد ايديا عليا
لما بتناولها الدوا
ودموع شفايفى اللى ارتوت
من ع الجبين
هانت عليكى دمعتى
و صوتها اللى عالى
والحزن جالد جتتى
بيهد فيا عشان وحيد
انا عارف انك حاسه بيا
وعارفه انى بعشقك
وعارفه انى ف يوم هجيلك
وعارفه انى عشقت حتى الموت عشانك
وصاحبنى يومها الحزن برضه كتير عشانك
وعر فتى انى وهبت نفسى وحتى قلمى
ما يكتب الا اليوم عشانك
لجل يبعتلك قصايدى وتقوليها للى يسمع
و اللى يبكى اليوم عشانك
واللى يترحم عليكى
ويهدى ليكى
دعوة مخصوصه عشانك
لسه فاكر
قبل موتك من ساعات
كنتى دايما بتقوليلى
لما اخف
واقوم بحق
واقدر اتسند عليك
اوعا تنسى
نفسي اكون وياك ف ندوه
اشوف صحابك
واللى حابينك ياشاعر
عينى تفرح لما اشوفك
قلبى يفتح يسمعك
واسمع القاعدين يقولوا
انت شاعر
واسمع التسقيفة تعلا
تبان ف عين الكل فرحه
خلى بالك
اوعا تستهبل عليا
او تفكر
انى مش هاافهم كلامك
لأ حبيبي
انت عارف
انى ياما سمعت شعرا
كتير وزيك
واعرف افتح نت زيك
واسمع الابنودى ويا الجخ واكتر
والا بنت الايه اميره
كنت بعشق ايه كلامها
وشعر ها ف الحب اكتر
والا عم صلاح جاهين
شعره كان ف القلب يأثر
قولى ياللا
انت شاعر والا بتهجص عليا
قبل مانسى خلى بالك
م الكلام واديله حقه
اوعى تجرى بالكلام
واحدة واحدة الناس تحسه
هوه يبقى الشعر ايه
غير كلام معجون بحسه
يبقى يومها
ابصم ساعتها
واقول ياشاعر
قول ياشاعر واوعا تنسى
لو مشيت م الدنيا روحت
اوعا تنسا
ابقى سلملى عليهم قولهم
كان نفسى اكون هنا وسطكم
وادفى حضنى ف حضنكم
اوعا تنسى
ابقى سلملى عليهم

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock