أدب وشعر

قصيدة الشهيد

كلمات بسيوني صديق


سامحني يا ابويا
علشان خاطري
لو كنت في يوم
زعلتك مني
أو صوتي عيلي
ماكنش قصدي
أنا عريس
وعرسي في قبري
لما تكون راضي عني
ورضاك يا ابويا
بيوصلني
وأمانه عليك
تروح لأصحابي
وتقعد معاهم
علشان ده شئ يفرحني
وجاكيت البدلة
أبو زراير دهبي
إديه للمحتاج صدقة
تشيل عني
أنا عارف انك كنت بتحلم
وتشوفني وأنا لابسه
في يوم فرحي
بس القدر كان
أكبر منك ومني
وديه سنة الحياة
والموت نهايتك ونهايتي
وأوعى تبكي يا ابويا
لإن بكائك يحرقني
كل اللي عاوزه منك
في صلاتك تدعيلي
وتصبر أمي يا ابويا
صبرها يواسيني
واقولها ابنك في الجنة
مع الحور العيني
كان نفسي أكون جنبكم
يانور عيني
وأكون عجازكم
والله يكافيني
لكن أمر الله مكتوب
علي جبينكم وجبيني


كلمات بسيوني صديق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى