إبن بلدى الشهيد
إبن بلدى الشهيد
بقلمى / هناء محمود
إبن بلدى الغالى
أبكى ومش هادارى
وحق ربى وربك
ودموع أهلى وأهلك
لآخد بتارك وتارى
ومهما طال الزمن
هاطفى نارك ونارى
يا إبن بلدى الغالى
وحياة مقامك العالى
لأنتقم لك من اللى ظلم
ومهما وجعنى الألم
هاعمل بدمك الغالى
حبر للقلم
أكتب به قصة بطولتك
ونصرك عاللى خرب وهدم
وأطالب بالقصاص
من كل شيطان قناص
عينه على النشان
بيقتل بالكره والرصاص
وبيأذى كل الناس
إنعدم منه الإحساس
والرحمة ودى الأساس
إزاى يا إرهابى يا خسيس
قتلت أغلى الرجال والناس
وبأى حق؟ ؟؟؟!!!!
ولا هى بلطجة وخلاص؟؟!!
وأقسم لو عندى ولد
هأقدمه يفدى بروحه البلد
وأعلمه معنى الرجولة
وإزاى يموت شهيد
وإزاى يحب ربه
وأهله ووطنه أكيد
ويكون قوى
وإرادته من حديد
وإزاى فى الحق
يكون قوى وعنيد
لا يذل ولا يكل
وشعاره الوحيد
“حب الله ثم الوطن”
ده الحب الحقيقى أكيد
ربى وصانى به وبأهلى
و حبهم دايما بيزيد
أعيش وأضحى علشانهم
واقول دايما انا
ابن مصر البطل الشهيد
