أدب وشعر
عايشين
رأفت عبد العال – شبكة اخبار مصر
وبنقول إننا عايشين
أتاري الدنيا خداعة
بتأخد مننا غاليين
ما بين ثانية وبين ساعة
ولو نضحك بنبكي سنين
ومين أيامه مرتاحه !!!!!
سواقي الهم فيها كتير
صحيح دنيتنا خداعة
وآه لو تصدق المشاوير
وضحكة تدوم ولو ساعة
في يوم ندوب م الحنين
ويوم ندوب م الأنين
ويوم بيسرقنا القدر
وساعات بنحي الذكريات
ويا الآهات ويا الألم
وساعات يواسينا القمر
وبين أهات ويايا اللي فات
وبين أمل ويايا اللي جاي
العمر في كتاب القدر
ياعيون بيملاها الحنين
ياقلوب بيحضنها الوفا
دبلت ورودنا م الآهات
دبلت عيوننا م السهر
ومين بينسى الذكريات
جوه الحياة فرح وألم
والكل في رحلة سفر
٢٠٢٠/٣/١
