أخبار مصر
استحالة. عامية مصرية
رأفت عبد العال
استحالة
الشمس تكدب في ميعاد
واستحالة
الحب يدبل في غياب
واستحالة
العمر نقضيه في عتاب
ياللي حبك من زمان له ألف باب
أحضن الأيام وعدي
ليه يكون عمرك سراب
لو في يوم جرحك معاند
جي بكرة معاه حياة
من جبين الحلم طالعة
خطوتك تملا السكات
وبحنين الشوق تسافر
رغم بعد المسافااااااات
تملا قلبك بالضيا
والقمر يجي بميعاد
مهما قُلت احنا انتهينا
تنولد تاني حاجات
جوه نبض القلب تحيا
بس كله بميعاد
احضن انت حنين جبينك
والغي كل المسافاااااااات
ده الربيع لا بد يجي يملا
بعبيره السكات
ليه تعيش في الحزن راهب
او تعيش عمرك آهات
شبكة أخبار مصر ٢٠٢١/٧/٩
