مقدمه برنامج وش الخير تنعى أسره الرئيس الأسبق محمد حسنى مبارك،

كتبت : وفاء صلاح الدين
شبكه اخبار مصر

الاعلاميه وفاء صلاح الدين مقدمه برنامج وش الخير على قناه الحدث اليوم تنعى أسره الرئيس الأسبق الفريق طيار محمد حسنى مبارك قائد الضربة الجوية ف حرب أكتوبر
رحمه الله رحمه واسعه وغفرله
واسكنه الفردوس الأعلى

وتنعى شعب مصر العظيم فى وفاه رئيسها الأسبق ولا ننسى ما قدمه للبلد أثناء توليه منصب رئيس الجمهورية

تخيل تعيش طفولتك كلها بتصحى كل يوم تروح المدرسة تلاقي صورة شخص ما متعلقة قدامك في الفصل.. اسمه في كل مكان حواليك سواء مدح أو ذم.. هيكون صعب إنك مترتبطش بيه عاطفيا.. وبنبرة صوته الرنانة في خطباته.. بل إنك في بعض الأحيان ممكن تعتبره والدك.
حسني مبارك بالنسبة لجيلي والجيل اللي قبلي حالة غريبة جدًا.. بين حب وكره.. إنتماء ونفور.. شخص بتحمل له مشاعر مختلطة كتير.. شخص بيشكل جزء من وجدانك وطفولتك.. وصعب تجاهل التأثير ده.. بتفتكر حجات كتير تخليك كرهه.. وفي نفس الوقت بتفتكر حجات تانية تخليك تقول(الله يرحمه.. برضو عمل للبلد كتير).
حقيقة مشاعرنا ناحية الرئيس الأسبق محمد حسني مبارك غريبة ومجهولة لأكثرنا.. البعض منا بيحمل له كل الضغينة والكره اللي في الدنيا.. والبعض الأخر بيحمل له كل الحب والاحترام.. لكن السواد الأعظم منا يظل واقف في المنطقة الرمادية بين الحب والبغض.. الاحترام والإزدراء.. بس كل ده مش مهم دلوقتي.. حبنا وكرهنا دلوقتي مش هيفرق كتير.. لأن ببساطة الراجل أصبح بين يدي الحكم العدل.
ولن تعد لأحكامنا البشرية أي قيمة.
الله يرحمه